BERRIAK
ANOETAKO BELODROMOAK ESTALKIA OSORIK BERRITUKO DU 2024AN
Donostia Kirolak laster deituko du Anoeta Kirol Hiriko Antonio Elorza Belodromoaren estalkia berritzeko lanak esleitzeko lizitazio.
Iñaki Gabarain Kirol eta Bizitza Osasungarriko zinegotziak adierazi duenez, "belodromoko estalkiaren erabateko errehabilitazioa da, atletismoari eta pistako txirrindularitzari eskainitako instalazio enblematiko honi aspaldidanik eragiten dioten itoginen eta filtrazioen arazoak konponduko dituena. Gainera, isolatzaile termiko bat instalatzeko aprobetxatuko dugu, instalazioaren eraginkortasun energetikoa nabarmen hobetuko duena".
Proiektuak 1.400.000 €-ko aurrekontua du, eta horietatik 530.000 €Gipuzkoako Foru Aldundiaren 2022-2025 aldirako Gipuzkoako kirol ekipamenduetarako dirulaguntza planetik datoz. Gainerako 870.000 euroak udalaren ekarpenari dagozkio oso-osorik.
Gaur egun estalkia osatzen duten PVCzko xaflen bi geruzak kentzea eta horien ordez FPO xaflak jartzea aurreikusten da, azken belaunaldiko materiala, etorkizunean plaka fotovoltaikoak jartzeko aukera ematen duena. Nabarmendu beharreko beste datu bat material horren fabrikatzaileak eskaintzen duen berme-epe luzea da (25 urte).
Lanek ez dute eraginik izango Belodromoaren eguneroko jardueran, une oro instalazioaren kanpoaldean egingo baitira. Obra irailaren hasieran hastea eta urte amaieran amaituta egotea aurreikusten da.
BANNERRAK
