BERRIAK
SMARTKALEA PROGRAMAN BILDUTAKO MERKATARIEK %35EKO AURREZPENA LORTU DUTE FAKTURA ENERGETIKOAN
Donostiako Smartkalea programaren barruan dauden guneetako hogeita hamar bat saltokik % 35erainoko aurrezpena lortu dute beren energia-fakturetan, merkaturatzaileei hornidura elektrikoaren prezio lehiakorragoak eskatzeko elkartu baitira.
Talde horiek Donostiako Sustapenak sustatzen ditu. Marisol Garmendia Ekonomia Bultzatzeko zinegotziak nabarmendu duenez, “asmoa da Smartkalea, Alde Zaharra, Altza eta Antso Jakituna eremuetan dauden merkataritza-establezimenduen interesak batzea, enpresa elektrikoei energia elektrikoa erosteko eskaintzak eskatzen baitizkiete, erabiltzaile bakoitzak energia horren hornikuntzan banaka lor litzakeenak baino prezio lehiakorragoekin.â€
Gainera, ingurumen-jasangarritasuna sustatzen da, eta enpresa merkaturatzaileari exijitzen zaio hornitutako energia elektrikoa % 100 berriztagarria izatea; horrek ingurumen-inpaktua hobetzea eta atmosferara CO2 isurketak murriztea dakar.
Erosketa taldekatuko ekimen hau 2017an hasi zen, SmartKalea proiektuari atxikitako Alde Zaharreko establezimenduentzat. Hurrengo urteetan, Altzako Smartkalea eta Antso Jakitunaren kalea programak gehitu zitzaizkien. 2021az geroztik, energia-eraginkortasun indibidualizatuari buruzko aholkularitza jaso duten Txominen etxebizitzak ere sartu dira.
Garmendiak azpimarratu du “saltokiek gero eta interes handiagoa dutela ekimen horrekiko. Iaz %22 hazi zen elkartutako saltokien kopurua. Oraindik bat egiten ez dutenak animatu nahi ditugu, kontsumo elektrikoaren fakturetan ematen duen interes ekonomikoa ikusitaâ€. Sektoreka, modakoak eta osagarriak izan ziren gehien parte hartu zutenak, baita elikadura-establezimenduak ere.
“2021ean, elkartearentzat eskaintzarik onena aurkeztu zuen merkaturatzailea Iberdrola izan zen. Bere tarifak argiaren fakturan %35eko batez besteko aurrezpena suposatu zuen. Gainera, eskaintza honek prezio finkoak ditu urteko edozein ordu eta egunetan, eta horrek egonkortasuna gehitzen du energiaren merkatua dagoen egungo goranzko etapanâ€, Marisol Garmendiak nabarmendu duenez.
Aurreko edizioetan, azken aldian bezain eraldatuta ez zegoen merkatu elektrikoarekin, aurrezkiak %50era iritsi ziren zenbait saltokitan.
Energia-eraginkortasunari buruzko aholkularitza
SmartKalea programaren esparruan, aholkularitza indibidualizatuak egiten zaizkie proiektuari atxikitako merkataritza-establezimenduei. Aholkularitza horietan, energia-kontsumoak aztertzen dira, instalazioak bisitatzen dira eta establezimendu bakoitzean energia-eraginkortasuna hobetzeko neurriak planteatzen dira. Helburua energia-kontsumoa murriztea da, eta, ondorioz, aurrezpen ekonomikoa. Aholkularitza horren ondoren, erabiltzaileen elkartean parte hartzera gonbidatzen ditugu, tarifa elektrikoaren prezioak murrizten jarraitzeko.
DOKUMENTAZIOA
BANNERRAK
