BERRIAK
UDALAK “MIMARTE” PROIEKTUA JARRI DU ABIAN, GAZTEEN ARTEAN ALKOHOL-KONTSUMOA PREBENITZEKO
Donostiako Udalak "mimarte" programari ekingo dio otsailean. DBHko ikasleei zuzendutako mimo-ikuskizuna da, eta gazteen alkohol-kontsumoa prebenitzea du helburu.
Marisol Garmendia Osasun Publikoko zinegotziak adierazi duenez, Udala 2018. urteaz geroztik lanean ari da "alkoholaren Mahaia" deiturikoan, gazteen artean alkoholaren eskaintza eta eskaria prebenitzeko, hezteko eta murrizteko hainbat programarekin, praktika horrek dakartzan arazoen jakitun.
Derrigorrezko DBHko eta irakaskuntza ondoko (12-18 urte) ikasleei zuzendutako jarduera horietako bat mimo "mimarte" ikuskizuna da. Eguneroko egoerak irudikatuz, alkoholaren gehiegizko kontsumoari buruzko hausnarketa kritikoa bultzatu nahi da, alkoholaren kontsumoari lotutako arriskuen prebentzioa sustatu nahi da eta gazteekin zuzeneko komunikazio-bide bat ireki nahi da, ikuskizunak iradokitako gaiei buruzko eztabaida sortzeko. Gainera, ikastetxeko irakasleei hezkuntza-materiala ematen zaie, beren lanarekin jarrai dezaten.
"Prebentzioko beste baliabide bat da, alkoholaren abusuak duen benetako arriskua agerian utzi nahi duena, batez ere gazteek, epe ertain eta laburrean arazoak eragin baititzakete", adierazi du Garmendiak. "Gure helburua da gazteak, ikuskizuna igaro ahala, bere bizitzako pasarteak eta portaerak antzematea, eszenaratzean aipatzen diren ondorioak ekar diezazkioketenak. Aisialdirako aukera osasungarriak bultzatu nahi ditugu, ikasleei antzerkia, mimoa eta beste adierazpen artistiko batzuk ikusteko leihoa irekiz ", esan du.
"Mimarte" ikuskizuna Peter Roberts profesional ezagun baten eskutik dator.
DOKUMENTAZIOA
BANNERRAK
