PSE-EE DONOSTIA

• Facebook
• Twitter
• Google +
• Pinterest

Gaur, astelehena, hasi dira irisgarritasuna hobetzeko eta Marañon doktorearen pasealekua berrurbanizatzeko obrak, Aiete auzoan.

Esku-hartzeak Aiete pasealekuarekin bat egiten duen tokiaren eta Erramondegi eraikineko aparkalekuaren arteko tartean egiten du lan.

Miguel Ángel Díez Hiri Mantenimenduko zinegotziak adierazi duenez, "Aieteko auzo-elkarteak espaloi estu batean eta zuhaiztietan eskatzen zuen jarduera da, eta horrek zaildu egiten du pertsonen joan-etorri normala, batez ere haurren autoekin edo gurpil-aulkian doazenena. Oztopo arkitektonikoak ezabatuko dira, espaloitik igarotzea zailtzen duten 26 zuhaitz kenduko dira eta artelatz luze bat eraikiko da, non tamaina txikiagoko 21 zuhaitz berri landatuko diren, etorkizunean arazorik ez izateko. Jarduketa osatzeko, espaloietako eta aparkatzeko eremuetako zoladurak berrituko dira."

Era berean, eta Mugikortasun Sailarekin koordinatuta, trafikoen noranzkoa berrantolatuko da, zehazki, Jauregi kalearen eta Aieteko pasealekuaren artean. Horrela, Jauregi kalearen eta Goiko Galtzada Berri kalearen arteko bidegurutzearen noranzkoa kenduko da, segurtasuna hobetzeko eta inguruko gatazka-egoerak saihesteko.

Obrak esleitzeko aurrekontua 312.753,32 eurokoa da guztira. Lanak aste honetan hasiko dira eta 2 hilabeteko iraupena izango dute.

DOCUMENTACIÓN

• Sakatu hemen prentsa oharra irakurtzeko (PDF)