PSE-EE DONOSTIA

• Facebook
• Twitter
• Google +
• Pinterest

Irailaren 30ean amaitzen da aurtengo 2023ko hondartza-denboraldia. Oro har, normaltasuna izan da nagusi, meteorologiaren arloan izan ezik: izan ere, zenbait egunetan, eguraldia zela eta –DANA barne–, ez da gomendatu Donostiako hondartzak erabiltzea.

Carlos García Hiri Mantentze eta Zerbitzuetako zinegotziak adierazi duenez, «esan dezakegu udako hilabete guztietan, ekainaren 1etik irailaren 30era arte, hondartzetako okupazio-maila ertaina/handia izan dela. Udalari dagokionez, balantze positiboa egiten du, erantzun egokiak eman baitzaizkio erregistratutako gertaera bakoitzari, batez ere karabela portugesek eta marmokek sortutako arazoen aurrean: izan ere, kasu horietarako erregelamendu bat onartu behar izan zuen Udalak, eta horrek ondo funtzionatu du».

Denboraldia hasi aurreko mareen ondorioz, hondartzetan ez zen hondar-mugimendu handirik egin behar izan, sarbideetako eremuetan izan ezik, erabiltzaileen joan-etorri normala eta ohiko birprofilatzeak errazteko. Udaren erdialdean, DANA ekaitzak hondar asko eraman zuen tenis-klubetik gertu dagoen eremutik, eta, gainera, ekaitzaren ondorioz, horman zulo bat ireki zen. Horma konpontzen ari dira, eta azken egunetako mareek hondar dezente ekarri dute bertara.

Zurriolako hondartzan ere ohikoa den bezala, bainularien eta surflarien bizikidetza ahalbidetzeko espazioak ezarri dira. Aipatu behar da bainulariek kexa ugari aurkeztu dituztela bainurako leku gutxi dagoelako, baina ez da bereziki arazo handirik egon surflariekin.

Hondartzetan bainatzeko uraren osasun-kontrola egin da astero, eta emaitzak onak izan dira. «Denok dakigun bezala, karabela portugesak, marmokak eta salpak iritsi izana aipagarria izan da uda honetan: ziztada larriak eragin dituzte, batzuetan larriak, sorosleek eta ospitaleek artatu behar izan dituztenak. Gure kalkuluen arabera, 300 ale inguru erretiratu dira, batez ere FCCk badia garbitzeko erabili duen itsasontziaren bidez», azpimarratu du Carlos Garcíak.

Horrela bada, hondartza-denboraldia amaitu denez, hondartza-guneko balizak, gabarroiak, sorosleen zaintza-dorreak eta beste zerbitzu batzuk desagertu egingo dira datozen egunetan.

Urriaren 1etik maiatzaren 31ra arte, txakurrak sartu ahal izango dira hondartzan. Hala ere, gogoan izan behar da jabeek gorotzak jaso behar dituztela, hiriko beste lekuetan bezala, Gizabideari buruzko Ordenantzak xedatuta dagoen moduan. Betebehar hori ez betetzen ez bada, Udaltzaingoak 50 eta 200 euro arteko isuna ezar dezake.

DOCUMENTACIÓN

• Sakatu hemen prentsa oharra irakurtzeko (PDF)