PSE-EE DONOSTIA

• Facebook
• Twitter
• Google +
• Pinterest

Donostiako eta haren eragin-eremuko (San Markos Mankomunitatea) 27.000 ikaslek baino gehiagok parte hartzen dute ikasturte honetan ikastetxean bertan hondakin organikoak biltzeko eta konposta egiteko ekimen honetan

FCC Medio Ambiente erakundeak materia organikoa biltzeko 60 ontzi eman dizkio Cristina Enea Fundazioari, bi erakundeek sinatutako lankidetza-hitzarmenaren esparruan. Cristina Enea Fundazioak 11 urte daramatza Eskolan Konposta proiektua garatzen Donostiako eta inguruko ikastetxeetan. Proiektu horren bidez, ikasleak kontzientziatu eta sentsibilizatu nahi dira hondakinen gaikako bilketaren garrantziaz, zehazki materia organikoaz, ondoren konposta egin ahal izateko.

Ekologiako zinegotzi Iñigo Garcíak nabarmendu duenez, garrantzitsua da “herritarrak kontzientziatzea egunero sortzen ditugun hondakinak murriztu behar direla, besteak beste, zaborretara botatzen jarraitzen dugun materia organikoa. Kontzientziazio hori eskola-ingurunean hasteak, gazteenekin, balio espezifiko esanguratsua du. Iaz, edukiontzietan eta hiriko ekoizle handietan bildutako materia organikoa 9.5 tona izan zen, eta ingurumena hobetzen laguntzeko modu egokia da konpost moduan berrerabiltzeko programetan eta politiketan eragitea”.

Eskolan Konposta programa ikastetxeetan bertan garatzen da, ikastetxeko langileen prestakuntzari, Cristina Enea Fundazioak konpostagailuak instalatzeari eta ikasleentzako saio didaktikoak emateari esker. Proiektua hasi zenetik, hezkuntza-ziklo guztietako 20.000 ikaslek baino gehiagok parte hartu dute proiektuan, eta 800 saio didaktiko baino gehiago egin dira ikastetxeetan.

Orain arte, eta azken urteotan bi erakundeen artean sinatzen ari den hitzarmen honi esker, FCCk materia organikoa biltzeko emandako 980 kubo banatu dira, Eskolan Konposta ekimenak ezarritako helburuak lortzeko zati garrantzitsua.

DOCUMENTACIÓN

• Sakatu hemen prentsa oharra irakurtzeko (PDF)