ÃNDICE
SUSCRIPCIÓN AL BOLETÃN
EL TIEMPO EN DONOSTIA-SAN SEBASTIÃN
BERRIAK
DONOSTIAKO DESFIBRILADORE GUZTIAK MAPA BATEAN BILDUTA
Donostiako Udalak, Osasun Publikoko Zerbitzuaren bidez, mapa bat argitaratu du Udalaren webgunean eta geoEuskadi aplikazioan. Mapa horretan, hiriak ekipamendu eta bulego publikoetan zein enpresa eta zentro pribatuetan dituen desfibriladore guztiak jasotzen dira.
«Balio handiko tresna da, eta oso interesgarria bihotz-biriketako geldialdi bat duen pertsona bati laguntzeko, larrialdiko osasun-laguntzak iristen diren bitartean artatu behar badugu», Marisol Garmendia Ekologiako eta Osasun Publikoko zinegotziak nabarmendu duenez.
Gaur egun, 211 desfibriladore inguru daude banatuta Donostia osoan, eta ia aparatu bat dago 1.000 biztanleko. Kopuru hori Estatuko batez bestekoaren hirukoitza da, baina oso urrun dago Alemania, Erresuma Batua edo Frantzia bezalako herrialdeen kopuruetatik.
KDA asko (kanpoko desfibriladore automatikoak) kirol edo kultura instalazioetan daude, ekipamenduaren funtzionamendu-ordutegiari lotuta. Beste batzuk merkataritza-guneetan, hoteletan eta kudeaketa pribatuko beste leku batzuetan daude.
Nolanahi ere, bihotz-biriketako gorabeheren kasuistika kontuan hartuta ––-orain dela urte batzuk ondorioztatu zen % 1 bakarrik gertatzen direla gauez eta bide publikoan––-, jotzen da ez dela presakoa horrelako aparatuak bide publikoan jartzea gauez erabiltzeko, desfibriladoreak egunean zehar toki publiko edo pribatuetan erabil daitezkeen ordutegitik kanpo.
Nabarmendu beharreko beste datu bat da bihotz-biriketako geldialdien % 80 inguru etxean edo bide publikoan izaten direla, eta bihotz-biriketako bizkortzea (BBB) kasuen % 25-i aplikatzen zaiela, gehienez. Horregatik da garrantzitsua aparatu horien erabilera gehiago zabaltzea, gaixoaren biziraupena ahalbidetzeko.
DOCUMENTACIÓN
BANNERS
